"საწყობში გაიყვანა და 17 ჭრილობა მიაყენა... მარი სულ დალურჯებული დადიოდა და ეს იცოდა ყველამ!"

გარ­და­ბან­ში ახალ­გაზ­რდა ქალი ქმარ­მა, სას­ტი­კად ერთ-ერთ ავე­ჯის მა­ღა­ზი­ა­ში მოკ­ლა. არ­სე­ბუ­ლი ინ­ფორ­მა­ცი­ით, ცოლ-ქმარს კონ­ფლიქ­ტი მა­ღა­ზი­ა­ში მო­უ­ვი­დათ, ამის შემ­დეგ კაც­მა ცოლს და­სა­კე­ცი და­ნით მრავ­ლო­ბი­თი ჭრი­ლო­ბა მი­ა­ყე­ნა. და­ნა­შა­ულ­ში ბრალ­დე­ბუ­ლი ფო­ლად ალი­ე­ვია და იგი და­კა­ვე­ბუ­ლია.

მოკ­ლუ­ლი 25 წლის ახალ­გაზ­რდა ქალი, მა­რი­ამ გა­ხო­კი­ძეა. რო­გორც მისი ახ­ლო­ბე­ლი ჰყ­ვე­ბა, "უბ­ნე­ლე­ბი ხში­რად ამ­ბობ­დნენ, რომ ქმა­რი ცოლ­ზე ხში­რად ძა­ლა­დობ­და".

"მარი სა­ოც­რად კარ­გი გოგო იყო. ბავ­შვო­ბი­დან ვიც­ნობ­დი. ურ­თუ­ლე­სი ცხოვ­რე­ბა აქვს გა­მოვ­ლი­ლი. გარ­და­ბან­ში ცხოვ­რობ­და მისი ოჯა­ხი. დე­და­მი­სი მა­რის მა­მას გა­შო­რე­ბუ­ლი იყო და სხვა ქმა­რი ჰყავ­და. მას­თან ორი შვი­ლი შე­ე­ძი­ნა გოგო და ბიჭი. გოგო შე­ზღუ­დუ­ლი შე­საძ­ლებ­ლო­ბის მქო­ნეა და ამი­ტომ დე­და­მი­სი 8 წელი იქ­ნე­ბა რაც გერ­მა­ნი­ა­ში ცხოვ­რობს იმ შვილ­თან ერ­თად. 

მა­რი­ა­მი პა­ტა­რა ასა­კი­დან იყო ძა­ლა­დო­ბის მსხვერ­პლი. მას­ზე მა­მი­ნაც­ვა­ლი ძა­ლა­დობ­და, სცემ­და. ეს დე­და­მაც იცო­და, მაგ­რამ დიდი რე­აქ­ცი­ე­ბი არ ჰქონ­და. ამ მო­ძა­ლა­დე მა­მი­ნაც­ვალს რომ გას­ცლო­და ამი­ტომ გაჰ­ყვა ვფიქ­რობ იმ ბიჭს. ის ქმა­რი დას­დევ­და, მოს­წონ­და მარი და გაჰ­ყვა ცო­ლად. ქმა­რი მა­რი­ზე ბევ­რად უფ­რო­სია, ეს მის­თვის მე­ო­რე ქორ­წი­ნე­ბა იყო.

მა­რის ხში­რად ვხვდე­ბო­დი, პირ­ვე­ლი შვი­ლი რომ შე­ე­ძი­ნა, მე­უბ­ნე­ბო­და, რომ კარ­გად იყ­ვნენ და ბედ­ნი­ე­რი ჩან­და, მაგ­რამ მერე შე­იც­ვა­ლა ვი­თა­რე­ბა. ეს ქმა­რი ეჭ­ვი­ა­ნი იყო და ხში­რად იყო ძა­ლა­დო­ბის მსხვერ­პლი ეს გოგო. ბევ­რჯერ მი­ნა­ხავს და­ლურ­ჯე­ბუ­ლი. ბევ­რჯერ გაქ­ცე­უ­ლა სახ­ლი­დან, იძა­ხებ­და ტაქსს და გარ­ბო­და ბე­ბი­ას­თან წალ­კა­ში. მერე ისევ რიგ­დე­ბოდ­ნენ. ბევ­რჯერ აქვს მი­მარ­თუ­ლი პო­ლი­ცი­ის­თვის, საქ­მის კურ­სში იყო პო­ლი­ცია, მაგ­რამ ეს შე­მა­კა­ვე­ბე­ლი ორ­დე­რი არა­ფერს ცვლი­და. რო­გორც ვიცი, ქმარს ფსი­ქი­კუ­რი პრობ­ლე­მე­ბიც ჰქონ­და. სულ ქუ­ჩა­ში, ბირ­ჟა­ზე იდგა. ძა­ლი­ან კარ­გი მშობ­ლე­ბი და-ძმა ჰყავს ამ ბიჭს, თვი­თონ არის მო­ძა­ლა­დე და უვარ­გი­სი. 

ბევ­რჯერ გა­ა­ტა­ნი­ნეს სა­ჩი­ვა­რი გარ­დაბ­ნის პო­ლი­ცი­ი­დან ამ გო­გოს. მა­რის გა­რე­თაც არ უშ­ვებ­და, ბოლო დროს იშ­ვი­ა­თად ვხე­დავ­დი ეზო­ში. ცოტა ხნის წინ შევ­ხვდი მის ქმარს და თქვა, მარი აპი­რებს გერ­მა­ნი­ა­ში წას­ვლას და თუ წა­ვი­და ჩემი ცოლი, უკან აღარ დაბ­რუნ­დე­ბაო. ბო­ლოს მარი დე­და­მის­თან რომ წა­ვი­და, ბო­ლოს გა­შო­რე­ბუ­ლე­ბი იყ­ვნენ. არ ვიცი რატო დაბ­რუნ­და მერე.

ინ­ფორ­მა­ცია, რომ მკვლე­ლო­ბის დღეს რა­ღა­ცას ყი­დუ­ლობ­დნენ ერ­თად არას­წო­რია. მა­ღა­ზი­ა­ში შეხ­ვდა გუ­შინ ქმა­რი და შე­რი­გე­ბას სთხო­ვა და მარი წი­ნა­აღ­მდე­გი იყო. ეს გახ­და ჩხუ­ბის მი­ზე­ზი. გა­იყ­ვა­ნა სა­წყობ­ში, იქვე უკან და მი­ა­ყე­ნა გო­გოს 17 ჭრი­ლო­ბა. მერე ჩა­ბარ­და პო­ლი­ცი­ას ეს მკვლე­ლი. ხალ­ხის თვალ­წინ მოხ­და ჩხუ­ბი, რა­ტომ არ მი­ეშ­ვე­ლა არა­ვინ არ ვიცი. ყვე­ლას ეში­ნო­და მისი, რად­გან ფსი­ქი­კუ­რი პრობ­ლე­მე­ბი ჰქონ­და და არ იყო ადეკ­ვა­ტუ­რი", - განუცხადა "ამბებს" მოკ­ლუ­ლი ქა­ლის ახ­ლო­ბე­ლმა.